Benedicte Maurseth: Mirra

Bergen Jazzforum & Colombi Egg presenterer
BENEDICTE MAURSETH hardingfele
HÅKON STENE rytmisk og melodisk slagverk, elektronikk
MATS EILERTSEN kontrabass, el-bass
MORTEN QVENILD piano, elektronikk

Då Benedicte Maurseth gav ut albumet Hárr (Hubro Records) i 2022, vart den visjonære og internasjonalt anerkjende hardingfelespelaren hylla for å ha skapt eit meisterverk. Albumet vart tildelt Nordic Music Prize, samt kåra til eit av dei 10 beste folkemusikkalbum i verda av The Guardian. I 2025 kom oppfølgjaren Mirra, og denne gong er det villreinen nær Maurseths heimtrakter ved Hardangervidda som har solistrolla.

Dørene åpner kl. 20.
Konsertstart kl. 21.
Unummererte sitte- og ståplasser.
Vergeskjema fo ru. 18 år her https://docs.google.com/forms/d/e/1FAIpQLSf7qwGSQQjXyu7dou6SYyqeBbo9rRmA49SkeOHAbGvcF2JWCA/viewform

Mirra har sidan lanseringa motteke svært gode kritikkar nasjonalt og internasjonalt, der Morgenbladet mellom anna skreiv «Mektig er kanskje ikke et stort nok ord for Benedicte Maurseths Mirra», og Dag og Tid omtalte albumet som eit «minimalistisk meisterverk». The Guardian trekte det mellom anna fram som Folk Album of the Month og Mojo har det med på sin liste over årets beste folkemusikk. Alt forma og framført i samspel med nokre av Noregs fremste musikarar innan jazz- og samtidsmusikk, Mats Eilertsen, Morten Qvenild og Håkon Mørch Stene.

Konsept og musikk er presentert og komponert av Benedicte Maurseth (TONO), med unntak av «Kvitkrull» som er inspirert av utdrag av filmmusikken til «Sami Reindeer Herders» (1978). All musikk er vidareutvikla og arrangert av ensemblet.